Qarkullimi i automjeteve në Qafën e Llogarasë është bllokuar ditën e sotme për shkak të reshjeve të dendura të dëborës dhe ngricave të krijuara në rrugë nga temperaturat e ulëta.
Aktualisht, lëvizja në afërsi të Llogarasë kryhet vetëm përmes tunelit, për automjetet që udhëtojnë në drejtim të Himarës dhe anasjelltas.
Autoritetet u bëjnë thirrje drejtuesve të automjeteve të shmangin lëvizjen drejt kësaj zone dhe të ndjekin njoftimet zyrtare për përmirësimin e kushteve të motit dhe rihapjen e qarkullimit.
Ndërkohë shërbimet përkatëse ende nuk kanë ndërhyrë për të mundësuar pastrimin e rrugës dhe lehtësimin e situatës për drejtuesit e mjeteve.
