Sekretari amerikan i Shtetit, Marco Rubio, ka prezantuar publikisht një strategji të rinovuar të Shteteve të Bashkuara për Venezuelën, pas operacioneve të fundit që përfunduan me ndalimin e presidentit Nicolás Maduro dhe ngritjen e një plani amerikan për të ardhmen e vendit.
Rubio tha se qasja e SHBA-së ndaj Venezuelës do të zbatohet në tre faza kryesore, me synimin e stabilizimit të situatës politike dhe ekonomike në vend, si dhe të sigurojë një rol më të madh amerikan në menaxhimin e resurseve të vendit, përfshirë sektori e naftës.
Faza e parë – Stabilizimi:
Sipas tij, faza e parë ka të bëjë me stabilizimin e vendit menjëherë pas operacioneve të fundit, duke ruajtur rendin dhe sigurinë, dhe duke shmangur një kolaps të madh. Ky hap synon gjithashtu që të shmangë kaosin politik dhe ekonomik që mund të lindë pas largimit të qeverisë së mëparshme.
Faza e dytë – “Rimëkëmbja”:
Rubio e përshkroi fazën e dytë si periudhë “rimëkëmbjeje”, ku SHBA-ja do të sigurojë akses dhe kontroll mbi tregtinë e naftës venezueliane dhe do të lejojë hyrjen e kompanive amerikane dhe perëndimore në treg.
Gjatë kësaj periudhe pritet edhe amnisti për figura të opozitës, lirimi i të burgosurve politikë dhe përpjekje për të rikthyer shoqërinë civile në proceset vendimmarrëse.
Rubio po ashtu theksoi se Uashingtoni do të përdorë leverage-in e naftës për të ndikuar në ndryshime, duke mbajtur kontrollin mbi të ardhurat që do të vijnë nga shitjet e saj. Këto të ardhura, sipas tij, do të përdoren në një mënyrë që teorikisht përfiton popullin venezuelian, por nën kontroll amerikan dhe ligjërim të qartë për bashkëpunim ekonomik.
Faza e tretë – Tranzicioni:
Pas stabilizimit dhe rimëkëmbjes ekonomike, strategjia parashikon një periudhë tranzicioni politik, pa dhënë detaje të sakta se si do të realizohet ky proces ose cilët aktorë do të kenë rol kryesor në qeverisjen e vendit.
