Diplomati Agim Nesho ka komentuar në një intervistë për News24 zhvillimet e fundit ndërkombëtare, përfshirë arrestimin e presidentit venezuelian Nicolás Maduro dhe operacionin e Shteteve të Bashkuara në Venezuelë, duke i lidhur këto me situatën politike në Shqipëri dhe raportet me SHBA-në.
Sipas Neshos, Shtetet e Bashkuara funksionojnë si një sistem që mbron jo vetëm interesat e veta, por edhe ato të Perëndimit, ndërsa bota ndodhet tashmë në një rend të ri ndërkombëtar.
Ai theksoi se vëmendja e SHBA-së ndaj aleatëve tradicionalë ndryshon nga një rajon në tjetrin, duke nënvizuar se Ballkani Perëndimor mbetet një zonë me interes strategjik.
“Vëmendja e SHBA për një aleat tradicional nuk është njësoj si në zonat e tjera të konflikteve. Ndaj, a janë interesat e Amerikës, me një vëzhgim direkt në Ballkanin Perëndimor? Nuk janë të tilla nuk ka akoma vëmendje Shqipëria është një vend i NATO-s dhe si i tillë, pasi Shqipëria është vend autokratik, por është anëtar I NATO-s dhe ka disa detyrime…Por në Shqipëri ka një autokraci që ka shkelur vijën e kuqe dhe vijën e kuqe e ka sepse vetë regjimi i Ramës është faktuar që bashkëpunon me krimin e organizuar. Dhe kjo e evidentuar sot në botë. Ka fakte që tregojnë implikimin e këtij regjimi me një organizatën Sinaloa…Regjimi i Ramës i rrezikuar direct.
Rama ka kohë që nuk shkel në SHBA, përveçse një ceremonie private kur mori pjesë në dasmën e Alex Soros, por takime zyrtare, zotin Ramën e kanë vënë në një pozicion vëzhgimi për çfarë ndodh në Shqipëri dhe kjo e rrezikon direkt. Vijën e kuqe Rama e ka kaluar. Është i rrezikuar nga SHBA, për elementin e lidhjes me krimin e organizuar dhe marrëdhënia me Sinaloa dhe tjetra nuk është autoritet që jep licenca të tilla që të jetë kryeministri. Ka një dëshmitar të klasit të lartë, zv.kryeministri që e akuzon si kryetar të grupit kriminal në Shqipëri, pra influencën e mafies dhe këto janë fakte të rrezikshme”, shtoi Nesho.
