Detaje të reja kanë dalë në dritë nga operacioni i ushtruar pasditen e kësaj të marte në Fier, në zonën e Roskovecit.
Burime për mediat bëjnë me dije se janë ushtruar kontrolle në biznesin e shtetasit, Abiol Hada, ku janë gjetur dhe sekuestruar: 2 armë zjarri kallashnikov, 2 pistoleta, 2 granata, si dhe sasi lënde narkotike, të dyshuara si drogë, në ambientet e lokalit.
Sipas informacioneve, Hada është shoqëruar nga policia, ndërsa ndaj tij po kryhen veprime hetimore, pasi ekzistojnë dyshime të forta për lidhje me grupe kriminale që veprojnë në zonë.
Policia Vendore e Fierit ka njoftuar se ditën e nesërme do të zhvillojë një konferencë për shtyp, ku do të bëhen publike detaje të tjera lidhur me operacionin, provat e sekuestruara dhe masat ligjore që do të ndërmerren.
