Janë publikuar emrat e kandidatëve për kreun e ri të Gardës së Republikës.
Burime për mediat bëjnë me dije se tre emrat e parë që kanë dorëzuar aplikimet e tyre janë eksperti i sigurisë Faik Basha, ish deputeti, Denis Deliu dhe kreu aktual i komanduar i Gardës, oficeri Simon Zereci, ndërkohë thuhet se një tjetër kandidat është edhe oficeri Vasil Çuni.
Afati i fundit për aplikim ka përfunduar më 30 dhjetor 2025, ndërsa brenda 45 ditëve nga çelja e garës, komisioni i posaçëm i ngritur nga Ministria e Brendshme pritet të përzgjedhë drejtuesin e ri të këtij institucioni.
Gara për kreun e Gardës u hap pas dorëheqjes së Ermal Onuzit më 3 qershor të vitit 2025, i cili sipas raportimeve dha dorëheqjen pas përplasjes me shefin e eskortës së Edi Ramës.
LEXO EDHE:
Më pak se një vit në krye të Gardës, jep dorëheqjen Ermal Onuzi
Gazetari: Komandanti i Gardës dha dorëheqjen pas përplasjes me shefin e eskortës së Edi Ramës
