Një banesë është përfshirë nga flakët mesditën e sotme në fshatin Murras. Sipas të dhënave paraprake, dyshohet se zjarri ka rënë si pasojë e një shkëndije elektrike.
Fatmirësisht, nuk raportohet për persona të lënduar, pasi tre anëtarët e familjes që banonin në shtëpi kanë arritur të dalin në kohë, duke shpëtuar pa dëmtime.
Ky është rasti i tretë i zjarreve në banesa brenda dy ditësh në zonën e Elbasanit. Vetëm ditën e djeshme, dy shtëpi të tjera janë përfshirë nga flakët në qytet.
