Partia Demokratike, e ka cilësuar arrestimin e presidentit të Venezuelës, Nicolas Maduro, si goditje të merituar.
Kreu i Grupit Parlamentar, Gazment Bardhi, shprehet se mesazhi i Donald Trump ishte i qartë, kur tha se të gjitha figurat politike që ndjekin gjurmët e Maduros do të kenë fatin e tij.
Referuar heshtjes së Edi Ramës për rastin, Bardhi thotë se ‘nuk kishte gojë’ për të folur, duke nënkuptuar raste të ngjashme me regjimin e Maduros në qeverisjen e vendit tonë.
“Narkoregjimi i Maduros mori sot goditjen e merituar, dhe sikurse paralajmëroi Presidenti Tramp fatin e tij do të ketë çdo regjim i ngjashëm, që mban pushtet përmes karteleve të drogës për të shtypur e varfëruar qytetarët e tij.
Pushteti është mjeti për ti shërbyer qytetarëve, jo për të ndërtuar perandori të rreme për veten, që shembet vetëm në një sekond. Mesazhi është i qartë dhe domethënës për këdo ka veshë të dëgjojë, edhe pse këto orë nuk kishte gojë për të folur!”,- shprehet Bardhi.
