Një aksident rrugor ka ndodhur mbrëmjen e sotme në fshatin Petovë të Fierit, pranë FNSH-së.
Një automjet tip “ Benz” me drejtues shtetasin Niko Shqepa ka përplasur dy këmbësorë, Avni Meto dhe Hatixhe Meto, çift bashkëshortësh, të cilët ishin duke kaluar rrugën.
Si pasojë e përplasjes, çifti ka marrë dëmtime në trup dhe janë nisur me urgjencë drejt spitalit për ndihmë mjekësore.
“Rreth orës 18:20, në aksin rrugor “Fier-Libofshë”, automjeti tip Benz që drejtohej nga shtetasi N. Sh., 55 vjeç, ka përplasur 2 këmbësorë, shtetasit A. M., 62 vjeç, dhe H. M., 55 vjeçe, të cilët ndodhen në spital për ndihmë mjekësore, jashtë rrezikut për jetën. Drejtuesi i automjetit, shtetasi N. Sh., u shoqërua në Komisariat për veprime të mëtejshme”,- thuhet në njoftimin e Policisë.
Grupi hetimor po punon për sqarimin e plotë të rrethanave të aksidentit.
