Trafik i rënduar është regjistruar pasditen e kësaj të marte në aksin Elbasan – Librazhd dhe anasjelltas.
Radhë të gjata automjetesh janë krijuar thuajse gjatë gjithë ditës, por në pasdite situata është rënduar.
Burime për mediat bëjnë me dije se, në terren janë parë disa patrulla policie, por e kanë vështirësuar më keq qarkullimin në vend që ta përmirësonin.
Mungesa e bypass-it dhe e rrugëve dytësore për fshatrat përreth e ka komplikuar edhe më tej situatën.
Ardhja e emigrantëve për festa dhe lëvizjet e shumta sezonale e kanë kthyer këtë aks në një nyje të vështirë për qarkullimin, ndërkohë që kjo situatë është tashmë e përsëritur.
