Pas skandaleve që kanë përfshirë shtetin, Partia Socialiste ka mbajtur festën e fundvitit ditën e sotme në Pallatin e Brigadave.
Në aktivitetin ku ishte i pranishëm kryeministri Edi Rama, u vu re se numri dy i qeverisë, zv/kryeministrja Belinda Balluku, e cila është marrë e pandehur nga SPAK. Përveç Ballukut, në festë munguan edhe disa figura të njohura të Partisë Socialiste, të cilët prej vitesh konsiderohen si “senatorë” të saj.
Mes tyre ishin ish-kryeministri Pandeli Majko, ish-deputetët Mimi Kodheli dhe Ermonela Felaj, si dhe Arben Pëllumbi, ish-sekretar organizativ i PS-së. Po ashtu, mungesë u shënua edhe e deputetëve aktualë Fatmir Xhafaj dhe Erion Braçe.
Ndryshe nga këto mungesa, në festë ishin të pranishëm disa ministra dhe drejtues institucionesh, ndërsa vëmendje të veçantë mori Ogerta Manastirliu, e cila u shfaq në krah të kryeministrit dhe shihet nga disa si një prej figurave të favorizuara të tij për të ardhmen politike (mbase pasuese e Erion Veliajt).
