Procesi i numërimit të votave për kandidatët për deputetë në Kosovë ka nisur, dhe sipas të dhënave të deritanishme janë përpunuar rreth 5,44% e votave.
Në listën e Lëvizjes Vetëvendosje, kryeson Albin Kurti me 17,760 vota, duke u renditur si kandidati më i votuar deri në këtë fazë të hershme të numërimit.
Pas tij, në vendin e dytë gjendet kryetari i Kuvendit, Glauk Konjufca, me 13,748 vota. Top 10-shja e Vetëvendosjes vijon me:
Hekuran Murati (7,190 vota)
Albulena Haxhiu (7,045 vota)
Donika Gërvalla Schwarz (6,296 vota)
Xhelal Sveçla (5,870 vota)
Hajrulla Çeku (5,089 vota)
Avni Dehari (4,698 vota)
Mimoza Kusari Lila (4,379 vota)
Ejup Maqedonci (3,468 vota)
Ndërkohë, në listën e Partisë Demokratike të Kosovës (PDK), ish-kandidati për kryetar të Mitrovicës, Arian Tahiri, renditet i dyti më i votuar.
Kur janë numëruar rreth 5,79% e votave, aktualisht top 10-shja e PDK-së kryesohet nga Bedri Hamza me 7,805 vota, i ndjekur nga Arian Tahiri me 3,890 vota. Pas tyre renditen:
Përparim Gruda (3,459 vota)
Uran Ismaili (2,790 vota)
Sala Jashari (2,526 vota)
Vlora Çitaku (2,193 vota)
Arben Mustafa (2,091 vota)
Enver Hoxhaj (1,764 vota)
Rrahman Rama (1,580 vota)
Eman Rrahmani (1,460 vota)
