Shërbimi Meteorologjik Ushtarak bën me dije se ditën e sotme vendi ynë do të ndikohet nga kushte atmosferike të qëndrueshme, si pasojë e masave ajrore të thata me origjinë veriore.
Moti parashikohet kryesisht i kthjellët në të gjithë territorin, ndërsa vranësira të pakta kalimtare do të shfaqen në relievet malore në lindje të vendit.
Në orët e para të mëngjesit pritet të ketë mjegull ose mjegullinë lokale, kryesisht në zonat malore dhe luginore, çka mund të sjellë ulje të përkohshme të shikueshmërisë.
Temperaturat do të bien ndjeshëm, nga -6°C deri në 12°C. Era do të fryjë verilindore mbi 35 km/h, me dallgëzim të ulët në brigje.
