Shtetet e Bashkuara kanë sekuestruar një anije të tretë me naftë pranë brigjeve të Venezuelës, njoftojnë mediat e huaja.
Autoritetet nuk kanë dhënë ende detaje mbi identitetin e anijes apo vendndodhjen e saktë të operacionit.
Lajmi vjen një ditë pasi pamje video treguan sekuestrimin e një cisternë nafte pranë bregdetit të Venezuelës, operacion i konfirmuar nga Departamenti i Sigurisë Kombëtare të SHBA-së. Disa ditë më parë Presidenti amerikan Donald Trump njoftoi një “bllokadë” ndaj të gjitha cisternave të naftës të sanksionuara që hyjnë dhe dalin nga Venezuela.
Javën e kaluar, SHBA-të sekuestruan për herë të parë një cisternë nafte të sanksionuar, të quajtur “Skipper”, në ujërat pranë Venezuelës. Pas këtij veprimi, disa anije që transportojnë miliona fuçi naftë kanë mbetur të ankoruara në zonë, nga frika e ndërhyrjes amerikane.
Sipas autoriteteve, një pjesë e këtyre anijeve dyshohet se i përkasin të ashtuquajturës “flotë në hije”, e cila përdor metoda fshehjeje për të transportuar naftë dhe mallra për vende të sanksionuara si Rusia, Irani dhe Venezuela.
Operacionet vijnë në një kohë kur administrata e presidentit Donald Trump po forcon kontrollin dhe zbatimin e sanksioneve në rajon. Autoritetet amerikane pritet të japin më shumë detaje në orët në vijim.
