Kreu i Lëvizjes ‘Shqipëria Bëhet’, Adriatik Lapaj, ka treguar se është proceduar penalisht për herë të pestë, pas protestës së organizuar ditën e sotme para Kryeministrisë.
Në një video të ndarë në rrjetet sociale, ai shfaqet brenda Komisariatit të Policisë, ku shprehet se është proceduar penalisht për prishje të rendit dhe sigurisë publike, ndërsa paralajmëron se gjithsesi nuk do ti ndalë protestat.
“Mora një tjetër medalje sot, e pesta, më proceduan penalisht për prishje të rendit dhe qetësisë publike. Shihemi në shesh, nuk ndalojmë, ju përshëndes!”, shprehet Lapaj.
