Këshilli i Mandateve dhe Imunitetit do të mblidhet mëngjesin e kësaj të premte, (19 dhjetor 2025) për të shqyrtuar kërkesën e SPAK, për heqjen e imunitetit të Belinda Ballukut dhe autorizimin për arrestimin e saj.
Mbledhja pritet të nisë në orën 10:30, ndërkohë ende nuk dihet nëse e pandehura Balluku do të jetë e pranishme. Një natë më parë janë ngritur dyshime se kjo e fundit është arratisur nga vendi dhe askush se di ku ndodhet, megjithatë mbetet për tu parë nëse numri dy i qeverisë Rama do të jetë në mbledhje.
Kush janë anëtarët e Këshillit që do shqyrtojnë kërkesën?
Këshilli për Mandatet dhe Rregulloren drejtohet nga Kryetari Niko Peleshi, ndërsa anëtarët e PS-së janë Taulant Balla, Ulsi Manja, Bledi Çuçi, Bledi Çomo, Antoneta Dhima anëtar zëvëndësues dhe Arkend Balla zv/anëtarë.
Ndërkohë anëtarët e PD-së janë Gazment Bardhi, Oerd Bylybashi, Elda Hoti, Gent Strazimiri, Saimir Korreshi, Ivi Kaso zv/anëtarë dhe Gerta Bardeli zv/anëtarë.
Balluku është marrë e pandehur nga SPAK më 31 tetor të këtij viti, për shkeljet me tenderin 190 mln euro të Tunelit të Llogarasë, nën hetim edhe për 7 lotet e Unazës së Madhe 450 milionë euroshe.
