Drejtuesi politik i Partisë Demokratike në qarkun e Tiranës, Belind Këlliçi, zhvilloi mbrëmjen e sotme takime me banorët e Njësisë nr. 9, ku i ftoi ata të marrin pjesë në protestën kombëtare të PD-së, e cila do të mbahet të hënën, më 22 dhjetor, në orën 18:00, para Kryeministrisë.
Në mesazhin e tij, Këlliçi theksoi se banorët e zonave të rrugës Fortuzi, Mine Peza dhe ish-Stacionit të Trenit ndjejnë peshën e keqqeverisjes së tejzgjatur në ekonomitë e tyre familjare, por njëkohësisht edhe shpresën se “një regjim i tillë neodiktatorial po bie nën peshën e krimeve të veta”.
“Së bashku para Kryeministrisë më 22 Dhjetor”, shkruan Këlliçi në rrjetin social Facebook.
