Policia e Lezhës ka shpallur në kërkim dy të rinj, pas ngjarjes së ndodhur mbrëmjen e djeshme në Mamurras, ku një 51-vjeçar u plagos me armë zjarri.
Marketin Marku, 51 vjeç, i cili është qëlluar në dorë dhe ndodhet aktualisht nën kujdesin e mjekëve, jashtë rrezikut për jetën.
Në kërkim janë shpallur Roeni Noka dhe Oligert Ndreca, të dy 18 vjeç dhe banues në Mamurras.
Pas ngjarjes, autorët janë larguar me një automjet, i cili më pas është gjetur në banesën e njërit prej tyre dhe është sekuestruar nga policia si provë materiale.
“Në vijim të informacionit paraprak të dhënë mbrëmë, sqarojmë se nga verifikimet rezultoi se i plagosur me armë zjarri, në dorë, ishte shtetasi M. M., 51 vjeç.
Gjithashtu, informojmë se pas veprimeve të thelluara hetimore, të kryera nga shërbimet e Komisariatit të Policisë Kurbin dhe ato të DVP Lezhë, me qëllim zbardhjen e rrethanave dhe autorësisë së këtij rasti, u identifikuan dhe u shpallën në kërkim shtetasit R. N. dhe O. N., secili 18 vjeç dhe banues në Mamurras, të cilët dyshohet se e kanë plagosur 51-vjeçarin, me armë zjarri, për motive të dobëta, në rrugë, në Mamurras, dhe më pas janë larguar nga vendngjarja, me një automjet që është gjetur në banesën e shtetasit O. N., dhe është sekuestruar me cilësinë e provës materiale.”, njofton policia.
LEXO EDHE:
U plagos me armë zjarri në Mamurras/ Zbardhet dëshmia e Pjetër Markut, çfarë deklaroi në Polici
