Një grup që merrej me trafikimin e lëndëve narkotike, është goditur nga autoritetet italiane, këtë të mërkurë, ndërsa janë vënë në pranga 9 persona, mes tyre edhe shqiptarë.
Sipas mediave të huaja, grupi është goditur në rajoni e Toskanës dhe organizata drejtohej nga dy shqiptarë, identiteti i të cilëve ende nuk bëhet me dije.
Trafiku bëhej i kamufluar nëpërmjet kamionëve të transportit dhe atij detar, ndërsa është kapur një ngarkesë pej 23 kg kokainë.
Si funksiononte grupi
Ky rrjet përfshinte individë me role dhe përgjegjësi të përcaktuara qartë, me baza logjistike dhe operacionale në Toskanë dhe kanale furnizimi në Lombardi.
Udhëheqësit e bandës, dy shtetas shqiptarë që jetonin midis Castelfiorentino dhe Colle Val d’Elsa, krijuan strategji dhe kanale furnizimi, vende ndalimi dhe magazinimi, çmimet e shitjes së lëndëve narkotike, si dhe marrësit e tyre.
Kontaktet e tyre të besuara menaxhonin depot e drogës, transferimin e narkotikëve dhe ishin përgjegjës për përgatitjen e dërgesave që do t’u dorëzoheshin klientëve, duke marrë të ardhurat nga shitjet: shumë korrierë u ngarkuan më pas edhe me detyrën e “kujdestarëve”.
Disa nga të dyshuarit ishin të punësuar zyrtarisht si shoferë furgonësh/korrierë për “kompani transporti rrugor të mallrave për palë të treta” dhe e shfrytëzuan këtë punë për të simuluar shpërndarjen e produkteve duke përdorur qese plastike transporti për të fshehur sasitë e drogës që do t’u dorëzoheshin klientëve.
Kjo veçori lehtësoi komplotin në kryerjen e krimeve të dyshuara, pasi shitjet e drogës kryheshin duke simuluar dërgesat nën markën e një kompanie të njohur ndërkombëtare të transportit dhe transportit detar.
Për 9 personat e dyshuar, identiteti i të cilëve ende nuk bëhet me dije janë caktuar masa sigurie, arrest me burg dhe arrest shtëpie, ndërsa janë sekuestruar gjithashtu edhe 17 kilogramë kokainë, t tjera 18 kilogramë hashash dhe 1 kilogram marijuanë në Castelfiorentino, Colle Val d’Elsa dhe Busto Arsizio.
