Anëtari i Kryesisë së Partisë Demokratike, Dritan Burgia, është larguar nga salla ku po zhvillohet me dyer të mbyllura mbledhja e Këshillit Kombëtar të PD-së.
Raportohet se Burgia është larguar pasi në mbledhje janë ndaluar diskutimet për çështje të tjera, duke u kufizuar vetëm te protesta e paralajmëruar. Ai ka kundërshtuar këtë vendim, duke theksuar se forumet drejtuese duhet të shërbejnë për diskutime të hapura.
“Ne vijmë të flasim në forume, ju thoni nuk lejohet të flasim për asgjë veç protestës”, mësohet të ketë deklaruar ai përpara largimit nga salla.
Dritan Burgia është një nga organizatorët e takimit të parë të zhvilluar nga Ervin Salianji në Durrës, në kuadër të përpjekjeve për riorganizimin dhe rienergjizimin e Partisë Demokratike.
