Kryeministri Edi Rama ka firmosur një tjetër ndryshim në Qeveri.
Në mbledhjen e sotme qeveria ka vendosur lirimin nga detyra e zëvendësministrit të Brendshëm Julian Hodajt, detyrë të cilin ai e mbante që nga 9 Tetori 2017.
Kujtojmë që po në Ministrinë e Brendshme, disa javë më parë u shkarkua një tjetër zv/ministër, Andi Mahila, me arsyetimin se u kap duke pirë cigare në ambientet e mbyllura.
Shkarkimi i Mahilës ishte vendimi i parë i marrë nga ministrja e Brendshme, Albana Koçiu pas betimit të saj në këtë detyrë.
Njoftimi i Këshillit të Ministrave.
“LIRIM NGA DETYRA
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
- Julian Hodaj, zëvendësministër i Brendshëm, lirohet nga kjo detyrë.
Ky vendim hyn në fuqi menjëherë dhe botohet në “Fletoren zyrtare””.
