Një aksident rrugor është shënuar mbrëmjen e sotme në rrethrrotullimin e Skelës në Vlorë, ku një automjet tip BMW ka përplasur një qytetar që po lëvizte me biçikletë.
Raportohet se biçiklisti i ka prerë rrugën makinës, duke shkaktuar përplasjen. I lënduari ka pësuar dëmtime të lehta, ndërsa kalimtarët e pranishëm i kanë dhënë menjëherë ndihmën e parë.
Ndërkohë raportohet se ambulanca është vonuar, duke mbërritur disa minuta pas thirrjes së parë të bërë nga qytetarët.
