Një ngjarje e rëndë ka tronditur Afrikën e Jugut, ku të paktën 11 persona, mes tyre një fëmijë trevjeçar, janë vrarë gjatë një sulmi të armatosur në një hostel në lagjen Saulsville, në perëndim të kryeqytetit Pretoria.
Sipas autoriteteve, sulmi ndodhi në orët e para të mëngjesit të së shtunës, kur persona të armatosur hapën zjarr ndaj një grupi njerëzish që po konsumonin pije në ambientet e hostelit.
“Të paktën tre persona të armatosur qëlluan ndaj turmës. Deri tani motivi i sulmit mbetet i paqartë dhe nuk është kryer asnjë arrestim,” tha zëdhënësja e policisë, Brigadiere Athlenda Mathe.
Nga të shtënat u plagosën 14 persona të tjerë, ndërsa mes viktimave ishin edhe një djalë 12-vjeçar dhe një vajzë 16-vjeçare.
Incidenti ndodhi rreth orës 04:30 sipas orës lokale, dhe autoritetet po vijojnë hetimet për të identifikuar autorët dhe motivet e sulmit.
