Pamjet që shikoni më poshtë janë nga masakra në Australi ku 12 persona humbën jetën dhe 29 të tjerë u plagosën pasi dy individë të armatosur hapën zjarr ndaj një turme të madhe njerëzish të mbledhur në plazhin Bondi, me rastin e festimit të festës hebraike Hanukkah.
Sipas pamjeve të publikuara nga mediat e huaja, shihet se një qytetar ka arritur të veprojë me guxim, duke befasuar njërin prej sulmuesve dhe duke i marrë armën, ç’ka ka çuar në neutralizimin e tij.
Autoritetet bëjnë me dije se një nga sulmuesit është vrarë ndërsa tjetri është vënë në pranga, ndërsa motivet që çuan në këtë sulm të rëndë mbeten ende të paqarta, ndërsa është cilësuar si një akt terrorist që synonte komunitetin hebre.
Sakaq, grupet myslimane në Australi e kanë dënuar sulmin terrorist në Bondi, duke shprehur ngushëllimet dhe mbështetjen e tyre për familjet e viktimave.
