Një aksident me pasojë vdekjen është regjistruar pasditen e kësaj të marte në aksin rrugor Maliq-Lozhan.
Një automjet me drejtues një punonjës policie, ka përplasur një këmbësor që po kalonte rrugën i cili si pasojë e plagëve të marra ka ndërruar jetë.
Sipas policisë viktima është identifikuar si, Bashkim Hida, 67 vjeç.
“Rreth orës 18:10, në aksin rrugor “Maliq-Lozhan”, automjeti me drejtues shtetasin D. Q.,(punonjës policie), ka përplasur shtetasin B. H., rreth 67 vjeç. Si pasojë e përplasjes, 67-vjeçari ka ndërruar jetë në vendngjarje.
Drejtuesi i automjetit është shoqëruar në Drejtorinë Vendore të Policisë Korçë, për veprime të mëtejshme”,- thuhet në njoftimin e Policisë.
Grupi hetimor dhe AMP ndodhen në vendngjarje dhe, nën drejtimin e Prokurorisë, po punojnë për të përcaktuar rrethanat dhe shkakun e aksidentit.
