Safet Bajri u arrestua më 21 shkurt të këtij viti pasi akuzohet nga SPAK se në bashkëpunim me Astmer Bilalin dhe Behar Bajrin kanë vrarë Fatbardh Licin, ngjarje kjo e ndodhur më 10 gusht të 2018-ës. Ata akuzohen për grup i strukturuar kriminal.
Safet Bajri ka bërë kërkesë që ti merret kampion i AND-së dhe të krahasohen me ato të sekuestruara në vendin e ngjarjes si dhe të kryhet një akt ekspertimi të pamjeve filmike me qëllim dhënien e përgjigjeve nëse ai rezulton i ndodhur në vendngjarje, pasi sipas tij këto rezultate do hidhnin poshtë akuzat ndaj tij. Prokuroria e Posacme e ka refuzuar kërkesën me arsyetimin se hetimet janë të plota.
Avokati i Safet Bajrit, Sokol Tahiraj, shprehet se pas kërkesës për arrestimin e klientit të tij nga SPAK, më 24 gusht 2024, gjatë seancës së masës së sigurisë, mbrojtja ka kërkuar që provat t’u viheshin në dispozicion por nuk u janë dhënë me pretendimin se janë sekret hetimor. Ndërkohë, nga ana tjetër, avokati pretendon se më 24 gusht 2025 është kërkuar zgjatja e hetimeve për të siguruar prova.
“Ndërsa më datë 24 shkurt 2025 SPAK kërkon arrestimin e këtyre personave, Safet Bajrit, Astmer Bilalit, Behar Bajrit dhe Eria Ago me pretendimin se kishte zbardhur çështjen e Fatbardh Licit. Sipas SPAK këta ishin personat e dyshuar për këtë ngjarje të datës 10 gusht 2018 në dëm të Fatbardh Licit, ku ngeli i vrarë ky i fundit dhe si motiv ishte konflikti për disa rosa që mendonte Ibrahim Lici që ia kishte vjedhur Astmer Bilali dhe për këtë shkak kishte filluar një konflikt mes tyre. Gjate seancës së asaj date, pra 25 shkurt 2025 provat nuk na u vendosën në dispozicion me pretendimin se janë sekret hetimor. Më 24 gusht 2025 Prokuroria zgjatë hetimet dhe thotë po siguroj provat ndërkohë që kur caktoi masën e sigurimit i kishte provat dhe nuk na i vendosi në dispozicion.”- ka deklaruar avokati.
Nga ana tjetër, avokati Sokol Tahirajt, ka paraqitur si argument në rekurs edhe faktin që klienti i tij, Safet Bajri, nuk është pyetur asnjëherë për çështjen në hetim gjatë kohës që mbahej në paraburgim për një tjetër çështje penale.
LEXO EDHE:
Përplasja Bajri – Lici/ Dosja e plotë e vrasjes së Fatbardh Licit
