Detaje të reja janë mësuar nga vrasja e biznesmenit, Edmond Mëhalla në Elbasan. Burime mediatike bëjnë me dije se makina e autorëve të dyshuar të krimit, ka qenë në pronësi të kompanisë së biznesmenit.
Biznesmeni i ekzekutuar mbrëmjen e 30 nëntorit 2025 zotëronte disa aktivitete në Elbasan:
- Club-in “Hollywood Lounge Bar”
- Pikën e karburantit “Xhaxhi Oil”, në oborrin e së cilës u vra
- Kompaninë e taksive dhe transportit “EL-Taxi”
Mond Mëhalla, u ekzekutua një natë më parë në makinën e tij në Elbasan. Një prej autorëve ka qëlluar me pesë plumba biznesmenin, dy prej të cilve i ka marrë në kokë. Autorët e dyshuar pas vrasjes u larguan në drejtim të aksit Elbasan-Librazhd. Ndërsa këtë të hënë u gjet një makinë e djegur në fshatin Mirakë.
