Aksi rrugor Kakavijë–Janinë vijon të jetë i bllokuar për shkak të protestës së fermerëve grekë që ka nisur që prej mëngjesit të ditës së sotme.
Aksi do të jetë i bllokuar deri në orën 22:00 (me orën greke), ndërsa raportohet se protestat pritet të zgjasin 1 javë.
Si pasojë e tubimeve janë paralizuar disa nga segmentet më të rëndësishme rrugore në Greqi si dhe pikat doganore në të gjithë vendin.
Fermerët protestojnë ndaj pagesave të vonuara, mungesës së dëmshpërblimeve, kostove të larta të prodhimit dhe çmimeve të ulëta të produkteve bujqësore.
