Te ura e makinave, në zonën ku qëndrojnë taksitë në Fier, është konstatuar një përmbytje me naftë në sipërfaqen poshtë urës.
Sipas raportimeve nga qytetarët, nuk dihet ende se kush e ka shkaktuar derdhjen, por situata paraqet rrezik të dukshëm për këmbësorët që kalojnë aty çdo ditë.
Banorët kërkojnë ndërhyrje të menjëhershme nga autoritetet për pastrimin e zonës dhe identifikimin e përgjegjësit, pasi prania e naftës jo vetëm pengon qarkullimin, por përbën edhe rrezik për rrëshqitje dhe ndotje të mjedisit. Autoritetet lokale pritet të verifikojnë rastin dhe të marrin masat përkatëse.
“Te ura e makinave në Fier, ku rrinë taksitë për Patos, nga poshtë është përmbytur me naftë. Nuk e di se kush e ka bërë, por është një gjë e keqe për këmbësorët”, shkruan denoncuesi./JOQ
