Një shtetas shqiptar i cili u deportua nga Mbretëria e Bashkuar dy herë brenda tre vjetësh është burgosur pasi u kthye ilegalisht për herë të tretë, raporton BBC.
Bëhet fjalë për shtetasin Emirjon Gjuta, 34 vjeç, i cili u paraqit në Gjykatën e Kurorës në Leeds ku pranoi se kishte shkelur urdhrin e tij të deportimit duke rihyrë në vend në nëntor 2024.
Ai u deportua për herë të parë në gusht 2020 pasi u dënua për vepra penale që lidhen me drogën dhe u deportua përsëri në mars 2023 pasi u gjet në vend me dokumente të falsifikuara.
Avokati i të pandehurit pretendoi në gjykatë se Gjuta nuk e kishte kuptuar plotësisht përmbajtjen e urdhrit të dëbimit sepse nuk kishte pasur një përkthyes në gjykatë në vitet 2020 dhe 2022.
Megjithatë, ai tha se dokumentet e nënshkruara nga Gjuta konfirmuan se ai nuk e kundërshtoi urdhrin e dëbimit të vitit 2020 dhe nuk kërkoi kurrë të apelonte kundër tij.
Nuk ishte e qartë se si Gjuta mbërriti në Mbretërinë e Bashkuar në nëntor 2024, por ai u arrestua në Leeds në shtator 2025.
Në përfundim të seancës, Gjuta u dënua me 14 muaj burg.
