Detaje të reja kanë dalë në dritë në lidhje me ngjarjen e regjistruar këtë të hënë në Orosh, ku dy persona ishin ngujuar në një banesë të braktisur prej më shumë se dy muajsh.
Sipas burimeve, njëri prej tyre, Juljan Cumraku, 34 vjeç, ka një histori personale që përfshin konvertimin e tij fetar.
Fillimisht Cumraku ka qënë besimtar katolik dhe më pas është konvertuar në fenë myslimane. Sipas informacioneve, ai frekuentonte një xhami në fshatin Kryezi, objekt fetar që prej një kohe të gjatë funksionon pa imam të përhershëm.
Ndërsa personi tjetër, Arben Uka i njohur edhe si Hamza Uka sipas informacioneve ka qënë edhe Komando në Ushtrinë shqiptare.
Nuk dihet ende lidhja që kanë dyshja me njëri tjetrin apo arsyeja e ngujimit të tyre, ndërsa dyshohet se janë të lidhur me grupe terroriste.
Ata u vetëdorëzuan pak minuta më parë te forcat e policisë, pas disa orësh negociata me familjarët.
Pas vetëdorëzimit në banesën e braktisur ka nisur kontrolli, me qëllim zbulimin e çdo arme ose materiali të rrezikshëm që mund të jetë fshehur nga dy të dyshuarit gjatë qëndrimit të tyre në banesë.
