Në një kohë kur qeveria është mbuluar nga skandalet e korrupsionit dhe vjedhjeve, Kryeministri Edi Rama, ka njoftuar se është kthyer nga feja.
Në podkastin e tij këtë të diel artisti i cili deri më tani e ka përqëndruar artin e tij kryesisht në zhanera jo fetarë, paralajmëroi se është duke përgatitur një libër me fjalët e sofrës së iftarit.
Ndër të tjera ai e ka cilësuar veten si një dashnor të gjuhës shqipe.
“Jam dashnor i përkushtuar i gjuhës shqipe, e ndjej dhe më pëlqen të shkruaj. Unë nuk kam mundësi të rri të ulem të shkruaj sic kam shkruar “Kurbanin”. Më pëlqen shumë që të shkruaj copëza, që lidhen me punën, fjalimet. Po përgatis tani një libër me fjalët e sofrës së iftarit, thjesht për kënaqësinë e shqipes, jo për ndonjë arsye tjetër dhe për natyrisht dëshirën që ti shoh në një libër disa gjëra që i kam shkruar me shumë dëshirë”,- është shprehur Rama.
