Reshjet e para të dëborës kanë mbërritur edhe në juglindje të vendit, në qarkun e Korçës.
Raportohet se reshje kanë qënë prezente në Majën e Biglës në Dardhë, si edhe në zonën e Shtyllës deri në majën e Mashkullores, ku temperaturat kanë rënë ndjeshëm gjatë natës.
Autoritetet lokale raportojnë se aktualisht qarkullimi vijon normalisht dhe nuk ka probleme në akset kryesore rrugore, megjithatë rekomandojnë kujdes të shtuar për drejtuesit e mjeteve në segmentet e larta malore, ku mund të ketë ngrica gjatë orëve të mëngjesit.
Meteorologët paralajmërojnë se reshje të izoluara dëbore mund të rikthehen edhe ditët në vijim, ndërsa fronti i ftohtë pritet të vazhdojë të ndikojë zonat malore.
