Reshjet e dendura të shiut kanë përfshirë pothuajse gjithë vendin, duke shkaktuar vështirësi në qarkullim dhe përmbytje të lokalizuara në disa zona.
Situata paraqitet më problematike në juglindje, ku pritet përkeqësim i mëtejshëm gjatë natës.
Sinoptikania Lajda Porja, në një lidhje me News24, paralajmëroi se moti i paqëndrueshëm do të vijojë deri në fund të muajit, ndërsa zonat e veriut do të përjetojnë edhe reshje dëbore.
“Sonte në juglindje priten 30-40 mm reshje, një sasi e lartë që çon nivelin e lumenjve në pikë kritike. Situata është alarmante dhe kërkon kujdes të shtuar”, u shpreh Porja.
