Një komplot i dyshuar për eliminimin e prokurorit të Brukselit Julien Moinil është zbuluar një ditë më parë nga autoritetet belge.
Sipas mediave belge, në lidhje me këtë komplot janë vënë në pranga 8 persona të cilët dyshohen se janë pjesë e një klani mafioz shqiptarë të përfshirë në trafikun e drogës.
Julien Moinil është një nga prokurorit që më 10 shkurt 2022, për rreth dy orë mori në pyetje Lulzim Bashën kur ai mbante postin e kreut të PD. Po ashtu, prokurori ka qenë edhe më herët në Shqipëri si pjesë e delegacionit të prokurorisë belge.
Sipas raportimeve, bandat kanë ofruar 1 milionë euro për ekzekutimin e prokurorit.
Ndërkohë tetë personat e arrestuar po merren në pyetje.
“Ky hetim dëshmon edhe një herë nevojën absolute për të mbrojtur më mirë policët dhe magistratët, të cilët luftojnë çdo ditë, pa pushim, kundër kriminalitetit të organizuar dhe që, për këtë arsye, bëhen objektiv i këtyre organizatave kriminale”, tha Prokurorja Federale Ann Fransen.
