Rruga nga Instituti për tek Casa Italia është një kaos i përditshëm që po shkakton stres, vonesa dhe iritim tek banorët e Paskuqanit, Institutit dhe Kamzës.
Rrugëtimi për në punë, shkollë apo detyrime të tjera është një mision i pamundur! Për një copë rrugë që mund të bëhet në kushte normale për 2-3 minuta, qytetarët janë të detyruar të qëndrojnë mbi 40 minuta, shpeshherë edhe 2 orë, në trafik. A thua se jetojmë në qytetin e New York-ut ku banojnë 8.478 million banorë!
Ajo që irriton akoma edhe më shumë qytetarët është fakti se efektivët e policisë të cilët stacionohen çdo ditë tek Kthesa e Kamzës bllokojnë trafikun vetëm në krahun kur vje nga Kamza për në Tiranë.
Qytetarët shprehen për Boldnews.al se kur nuk ka policë, trafiku lirohet shumë shpejt dhe nuk janë të deturuar të presin me orë të tëra. Pra siç duket, faji nuk qëndron tek popullsia apo numri i makinave që qarkullojnë në atë zonë, por tek policia e cila duket se ka marrë urdhër që bashkia Kamëz të zhytet në kaos, por të lehtësojnë vetëm atë në Tiranë.
Qytetarët shprehen se nuk ka ditë që shoferët nuk konfliktohen me policët të cilët bllokojnë për minuta të tëra rrugën nga Kamza ku trafiku shkon me kilometra të tëra, por ndërkohë lë të hapur kalimet e tjera edhe kur ka vetëm tek një biçikletë!
Boritë e makinave dhe autobusëve ‘llahtarisin’ vendin, por vetëm policët e Neritan Buzit nuk i dëgjojnë.
Duket se shefi i Komisariatit të Policisë Rrugore në Tiranë, Neritan Buzi e sheh Kamzën e Rakip Sulit si një qytet të dorës së tretë që e zhyt në kaos total! E rëndësishme është që Neritan Buzi të “fryhet” gjasme se ka punuar, paçka se duket paaftësia e tij për ti dhënë një zgjidhje konkrete situatës.
