Një aksident i rëndë automobilistik është regjistruar pasditen e kësaj të marte në aksin rrugor Pogradec-Korçë, në Qafë Plloçë.
Nga informacionet paraprake mësohet se dy automjete janë përplasur “kokë më kokë” me njëra-tjetrën dhe më pas njëri prej mjeteve, tip “Benz” me benzinë, ka shpërthyer në flakë.
Fatmirësisht, si pasojë e aksidentit janë regjistruar vetëm dëme materiale, teksa drejtuesi i mjetit “Benz” ka dalë në kohl nga makina, duke shmangur kështu tragjedinë.
Policia ndodhet në vendin e ngjarjes, teksa forcat zjarrfikëse kanë shuar flakët tek automjeti, edhe pse makina është shkrumbuar thuajse totalisht.
