Së shpejti pritet një takim midis presidentit rus, Vladimir Putin, dhe Presidentit amerikan, Donald Trump, në Hungari, por ende ka paqartësi mbi mënyrën se si lideri i Kremlinit do të mbërrijë.
Një zëdhënës i Komisionit Evropian bëri të ditur se një prej shteteve anëtare të BE mund të autorizojë hapjen e një korridori ajror për Putinin, pavarësisht bllokadës aktuale të hapësirës ajrore evropiane ndaj avionëve rusë.
Ai sqaroi se vendimi për këtë masë i përket qeverive kombëtare të secilit prej 27 vendeve të BE-së, ndërsa bllokada zyrtarisht mbetet në fuqi për të gjithë avionët rusë të tjerë.
Ky hap mund të lejojë Putinin të arrijë në Hungari për samitin me Trump, duke krijuar debate mbi trajtimin special të udhëheqësit rus brenda Evropës.
