Pas vdekjes së stilistit të njohur Giorgio Armani në shtator, kompania e tij e modës ka emëruar Giuseppe Marsocci si shef ekzekutiv të ri. Marsocci, i cili punon në shtëpinë e modës prej 23 vitesh dhe ka udhëhequr globalisht departamentin e shitjeve për gjashtë vitet e fundit, do të marrë menjëherë rolin e ri, duke siguruar vazhdimësinë e biznesit të Armani.
Partneri dhe shefi i dizenjove të veshjeve për meshkuj, Pantaleo Dell’Orco, vlerësoi Marsoccin si zgjedhjen më të natyrshme për të udhëhequr perandorinë e modës, duke nxjerrë në pah përvojën e tij ndërkombëtare, njohjen e thellë të kompanisë dhe besnikërinë ndaj vizionit të Armani.
Sipas testamentit të stilistit, Dell’Orco do të drejtojë gjithashtu Giorgio Armani Foundation, që kontrollon 30% të të drejtave të votimit në biznes, ndërsa Marsocci do të mbikëqyrë edhe shitjen e planifikuar të 15% të aksioneve, të cilat do t’u ofrohen grupeve si LVMH, L’Oreal, EssilorLuxottica ose partnerë të tjerë të barabartë.
Mbesa e Armani, Silvana, që drejton linjën e veshjeve për femra, do të marrë rolin e zëvendëspresidentes, duke plotësuar strukturën e re drejtuesve të shtëpisë së modës.
