Seanca plenare e sotme në Kuvend është ndërprerë pasi deputeti Gazment Bardhi ka refuzuar të largohet, edhe pse ishte përjashtuar nga kryetari i Kuvendit, Niko Peleshi.
Peleshi: Zoti Bardhi, ju kërkoj të dilni nga salla. Seanca nuk ka filluar, duhet që zoti Bardhi të dalë pasi është përjashtuar…
Bardhi: Nuk dal, keni shkelur rregulloren, s’po lejoni deputetët që të flasin.
Peleshi: Seanca nuk ka filluar ende, nis vetëm kur të dalë zoti Bardhi. Atëherë në këto kushte, meqë zoti Bardhi nuk del, seanca ndërpritet dhe rifillon vetëm pasi zoti Bardhi të lërë sallën e Kuvendit.
