Një aksident me pasojë vdekjen është regjistruar në Fushë-Krujë në orët e para të mëngjesit të sotëm.
Mësohet se N. K., 58 vjeç, ka humbur kontrollin e automjetit që drejtonte duke u përplasur me murin anësor të rrugës. Si pasojë ka humbur jetën pasagjeri A. L., 44 vjeç.
Policia njofton se po kryhen veprimet procedurale me 58-vjeçarin dhe punohet për sqarimin e plotë të rrethanave të aksidentit.
“Rreth orës 05:00, në Fushë-Krujë, shtetasi N. K., 58 vjeç, dyshohet se ka humbur kontrollin e automjetit që drejtonte, duke u përplasur me murin anësor të rrugës. Si pasojë ka humbur jetën pasagjeri shtetasi A. L., 44 vjeç. Po kryhen veprimet proceduriale me 58-vjeçarin dhe punohet për sqarimin e plotë të rrethanave të aksidentit.’- njofton policia.
Materialet procedurale iu referuan Prokurorisë së Tiranës, për veprime të mëtejshme.
