Katër persona u vranë dhe të paktën 12 të tjerë u plagosën në një të shtënë me armë zjarri të shtunën herët në mëngjes (11 tetor), në Leland të Misisipit, thanë autoritetet.
Kryetari i bashkisë së Leland, John Lee, i tha CBS News se të shtënat ndodhën rreth mesnatës dhe se katër nga të plagosurit u transportuan me helikopter në spitalet lokale. Nuk kishte të dhëna të menjëhershme për gjendjen e tyre.
Asnjë i dyshuar nuk është në paraburgim dhe hetimi është duke vazhduar. Të shtënat ndodhën në një rrugë kryesore, tha kryebashkiaku. Njerëzit ishin mbledhur në qytet për një ndeshje të shkollës së mesme Leland, shtoi ai.
Faqja e internetit e distriktit shkollor Leland tregon se shkolla e mesme Leland ishte planifikuar të luante një ndeshje kundër shkollës së mesme Charleston. Leland është një qytet i vogël në Qarkun e Uashingtonit. Sipas regjistrimit të vitit 2020, popullsia e tij ishte afërsisht 4,000 banorë.
