Ambasada Britanike në Tiranë ka reaguar në lidhje me vrasjen e gjyqtarit Astrit Kalaja, ngjarje e ndodhur ditën e djeshme në sallën e gjyqit në Gjykatën e Apelit.
Në një postim në rrjetet sociale, Ambasada ka dënuar ashpër aktin e rëndë, ndërsa ka bërë thirrje për masa më të forta në mbrojtje të sigurisë së gjyqtarëve.
Ambasada britanike ka shprehur ngushëllimet për familjarët dhe kolegët e gjyqtarit të ndjerë.
“Jemi thellësisht të pikëlluar nga vdekja tragjike e gjyqtarit Astrit Kalaja.
Ngushëllimet tona shkojnë për familjen, miqtë dhe kolegët e tij.
Dënojmë fuqishëm aktin e dhunës dhe bëjmë thirrje për masa urgjente për të garantuar sigurinë e gjyqtarëve dhe integritetin e gjykatave”, thuhet në postim.
