Policia e Sarandës ka vënë në pranga një 34-vjeçar, Erdion Mamushi, pas dokumentimit të dy rasteve vjedhjeje në qytet.
Hetimet e Komisariatit të Policisë Sarandë zbuluan se më 1 tetor 2025, gjatë orëve të natës, Mamushi dyshohet se ka vjedhur suvenire me vlerë rreth 40 000 lekë nga dy stenda në pronësi të shtetasve S. L. dhe B. S.
Një pjesë e sendeve të vjedhura është sekuestruar si provë materiale.
Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Sarandë për veprime të mëtejshme ligjore.
Mamushi akuzohet për “Vjedhje”, ndërsa hetimet për rastin vijojnë për të zbardhur çdo rrethanë të ngjarjes.
