Janë publikuar një pjesë e pamjeve të sherrit të regjistruar ditën e sotme në qytetin e Bilishtit, ku Trejan Çeliku, së bashku me dy shokët e tij, sulmuan me dru bejsbolli, 39-vjeçarin Guri Mazelliu.
Në pamjet e filmuara nga kamerat e sigurisë, shihen tre persona, mes tyre dhe Trajan Çeliku, të cilët me dru bejzbolli në duar sulmojnë automjetin ku ndodhej 39-vjeçari Guri Mazelliu. Ky i fundit më pas bën manovra të rrezikshme në rrugë, ku vendos në rrezik edhe qytetarët e tjerë që ndodhen me auomjet në atë moment aty.
Ngjarja ka ndodhur në afërsi të qendrës së qytetit të Bilishtit, në dy episode të njëpasnjëshme, teksa mësohet se Trajan Çeliku dhe dy shokët e tij e kanë dhunuar me shkopinj bejzbolli Guri Mazelliun, ndërsa ky i fundit ka reaguar me thikë duke lënë të plagosur njërin prej tyre.
Pas përplasjes, të lënduarit janë transportuar në spital për trajtim mjekësor dhe më pas janë shoqëruar nga policia në komisariatin e Devollit, ku po merren në pyetje për të zbardhur rrethanat e plota të konfliktit.
Si Trajan Çeliku, po ashtu edhe Guri Mazelliu rezultojnë me precedent penal dhe persona problematik në zonë.
