Skena paniku janë regjistruar në Ibiza për shkak të reshjeve të dendura të shiut, gjatë të cilave disa shkëmbinj u shkëputën nga një kodër dhe ranë mbi një hotel. Si pasojë e ngjarjes, tre persona mbetën të plagosur.
Një video e publikuar nga një turist britanik kap momentin dramatik të rrëshqitjes së dheut, ku dëgjohen britma dhe thirrje alarmi.
Katër persona mbetën të bllokuar në vendngjarje. Dy prej tyre pësuan lëndime të lehta dhe u trajtuan me ndihmën e parë në vend, ndërsa i treti u dërgua në spitalin më të afërt. Personi i katërt nuk pësoi dëmtime.
Për shkak të rrezikut, rreth 220 banorë u evakuuan gjatë natës dhe u sistemuan në hotele të vendpushimit më të afërt.
