Deputetja e Partisë Demokratike, Jorida Tabaku, ka akuzuar mazhorancën se po shkel rregulloren e Kuvendit me funksionimin e Komisionit Parlamentar për Monitorimin e Institucioneve të Pavarura.
Gjatë fjalës së saj, Tabaku tha se ky komision është antikushtetues dhe shkel rregulloren, pasi vetëm një komision përgjegjës ka të drejtën për raportimin e institucioneve, sipas nenit 37 dhe 38 të rregullores.
Ajo shtoi se të gjitha komisionet parlamentare kanë të njëjtën rëndësi dhe nuk duhet të krijohen hierarki të veçanta brenda Kuvendit.
Deputetja nënvizoi gjithashtu se PD ka kërkuar mocione dhe interpelanca për programin e qeverisë dhe integrimin në BE, duke theksuar rëndësinë e respektimit të rregullores në funksionimin e komisioneve parlamentare.
“Grupi Parlament i PD ka kërkuar një mocion për kryetarin e Parlamentin dhe një mocion me debat për programin e qeverisë dhe një interpelancë për programin e qeverisë për integrimin në BE.
Mendoj që duhet të fokusohemi tek kërkesat që u diskutuan në Konferencën e Kryetarëve..
Ne e patëm një debat në Konferencën e Kryetarëve për përgjegjësinë e Komisioneve Parlamentare. Komisioni për Monitorimin e Institucioneve të Pavarura është antikushtetues dhe në shkelje të rregullores së Kuvendit. Ka vetëm një Komision përgjegjës, ashtu si e thotë rregullorja në nen 37 dhe 38, Komisioni Përgjegjës, mban përgjegjësi për raportimin e institucioneve. Nuk ka komisione parlamentare të rëndësi së parë dhe të dytë, të gjithë kanë të njëjtën rëndësi”, tha Tabaku.
