Gjatë një takimi të zhvilluar në kuadër të Clinton Global Initiative, ku mori pjesë edhe presidentja e Kosovës, Vjosa Osmani, ish-presidenti amerikan Bill Clinton ndau një kujtim personal që nxjerr në pah bashkëjetesën ndërkombëtare dhe arsyet që e shtynë të vendosë për ndërhyrjen ushtarake në Kosovë në vitin 1999.
Clinton tregoi se shpesh viziton një restorant ku pronari është një shqiptar nga Kosova, ndërsa menaxheri i restorantit është serb. “Ne kemi një vend që shet takos… pronari është një shqiptar nga Kosova. Dhe pjesa interesante: menaxheri, ai që më jep një birrë sa herë që hyj aty, është serb. Kjo është mrekulli,” tha ai, duke përdorur këtë shembull për të ilustruar mundësinë e bashkëjetesës.
Ish-presidenti foli gjithashtu për vendimin e tij të vitit 1999 për t’u angazhuar ushtarakisht në Kosovë. Ai tha se shumëkush mendonte se vendimi ishte i rrezikshëm, por shtoi se besonte se konflikti mund të zgjidhej më së miri përmes fuqisë ajrore, duke shpëtuar jetë dhe duke shmangur një luftë tokësore më të gjërë. “Kjo do të jetë vendi i vetëm në botën moderne ku një luftë do të fitohet përmes fuqisë sonare… dhe në fund do të shpëtojmë më shumë jetë,” deklaroi Clinton.
