Një plagosje me armë zjarri është regjistruar pasditen e kësaj të shtune në zonën e Kombinatit në kryeqytet.
Burime zyrtare bëjnë me dije se shtetasi M. T., rreth 41 vjeç, ka plagosur me armë zjarri kunatin e tij (burrin e motrës), shtetasin G. M., rreth 56 vjeç, duke e lënë të plagosur. Ngjarja ka ndodhur rreth orës 15:40, në banesën e të plagosurit në rrugën “Llambi Bonata”, pas një konflikti për motive të dobëta.
Mësohet se 56-vjeçari ka marrë plagë në këmbë, dhe është transportuar në spital për të marrë ndihmë mjekësore, ku raportohet se ndodhet jashtë rrezikut për jetën
Burime bëjnë me dije se si autori, po ashtu edhe i plagosur dyshohet se kanë qenë në gjendje të dehur në momentin e krimit.
Blutë e kryeqytetit raportojnë se autiori, shtetasi M. T. është shoqëruar në komisariat për veprime të mëtejshme hetimore. Gjithashtu, është shpallur në kërkim edhe shtetasi N. S., 29 vjeç, i cili dyshohet se në momentin e ngjarjes ka qenë prezent në banesë dhe më pas është larguar.
Policia thotë se grupi hetimor vijon punën për sqarimin e rrethanave dhe dokumentimin e plotë të ngjarjes.
