Policia e Tiranës ka arrestuar një 19-vjeçar pasi dyshohet se ka shpërndarë në rrjetet sociale një video me përmbajtje personale të një vajze. Një 16-vjeçar është proceduar në gjendje të lirë për të njëjtën çështje.
“Specialistët për Hetimin e Krimeve Kibernetike ndaluan shtetasin S. Sh., 19 vjeç, dhe referuan materialet në Prokurori, ku nisi procedimi në gjendje të lirë për një shtetas të mitur 16 vjeç, pasi dyshohet se, në bashkëpunim me njëri-tjetrin, kanë shpërndarë në rrjetet sociale një video personale të një shtetaseje,” thuhet në njoftimin e policisë.
