Edi Rama ka zhvilluar këtë të premte një takim në “Vilën 30” me kryetarin e Kuvendit, Niko Peleshi, si dhe me kryetarët socialistë të komisioneve parlamentare.
Sipas raportimeve mediatike, fokus i mbledhjes ka qenë organizimi për nisjen e punës së komisioneve parlamentare, të cilat do të fillojnë punë zyrtarisht javën e ardhshme.
Gjithashtu, është diskutuar dhe axhenda legjislative dhe prioritetet kryesore që do të shqyrtohen në sesionin e ri parlamentar.
Nga 11 komisione, mazhoranca do drejtojë 7 prej tyre dhe 4 të tjerët i janë lënë opozitës. Aty ku kryetarët janë të PS, nënkryetarët do të jenë nga PD dhe anasjelltas.
